En þeir eru samkvæmir sjálfum sér...

sagði Lúðvík Bergvinsson, í samtali hjá Dagsbrún - ekki verkalýðsfélagi - í gær, þar sem hann ræddi um þingmenn sem væntanlega verja ríkisstjórnina vantrausti og frammi stöðu þeirra á Alþingi undafarna daga. Ef þingmaður ótilneyddur tekur svonalagað fram, má vænta þess að hann falli undir sömu skilgreiningu?

Ég gat því miður ekki séð svipbrigði þingmannsins því Eystri-akurinn minn er ósáttur við hneigð mína til gláps á efni er berast ætti frá Íslandi - Einangraður í útlegð - sérstaklega ef ég er of seinn til að fylgjast með.

Það er stíll sem ég held að Þórbergur gæti lesið yfir þvi sem einkennir forustugreinar Fréttablðasins þessa dagana, ef ekki Þórbergur þá sá sem stýrði Frjálsri Þjóð lengst af

Þegar eignarhald á auðlindum er boðað sem kosningamál er rétt að spyrja að hvaða breytingum er stefnt á því sviði. Er með hugtakinu þjóðareign átt við eignarrétt eða rétt löggjafans til þess að setja almennar leikreglur innan ramma gildandi eignarréttarreglna?
Á að þjóðnýta einhver eignarréttindi, sem varin eru með stjórnarskrá í dag? Á að skattleggja orkunýtingu? Hvernig á að koma í veg fyrir, að hugsanleg skattlagning af því tagi komi fram á orkureikningum heimilanna?
Með hliðsjón af því sem formaður Samfylkingarinnar hefur nú þegar sagt um helstu kosningamál má reikna með, að svör við þessum spurningum og ýmsum öðrum er þessum málum tengjast verði uppistaðan í málflutningi flokksins þegar líður á árið og dregur að næsta þingi.

og svo

Þá vekur athygli, að Ingibjörg Sólrún Gísladóttir segir, að Samfylkingin verði mótvægi en ekki hækja í hugsanlegu samstarfi við Sjálfstæðisflokkinn. Það þýði breyttan veruleika. Hún stillir Samfylkingunni hins vegar ekki upp sem mótvægi, er hafi þann tilgang helstan að koma Sjálfstæðisflokknum frá völdum. Felur það í sér vantrú á þeim möguleika?

Við bíðum svara